David Eastman, një ish punonjës shtetëror në Australi i burgosur për pothuajse 2 dekada për vrasjen e një oficeri policie, ka marrë një dëmshpërblim prej 7 milion dollarësh pasi u provua pafajësia e tij. – raporton “The Guardian.”
Zoti Eastman, 74 vjeç, në një rigjykim vitin e kaluar u lirua nga akuzat për vrasjen e oficerit Colin Winchester, duke hapur rrugën për një ofertë dëmshpërblimi.
Më herët gjatë këtij muaji, gjykata supreme e territorit federal Australian ACT, mësoi se zoti Eastman kishte refuzuar një oferte të bërë nga qeveria e territorit federal Australian prej 3 milionë dollarësh duke kërkuar një dëmshpërblim prej 18 milion dollarësh.
Ndërsa dje, gjykata supreme vendosi t’i japë një dëmshpërblim prej 7 milionë dollarësh dhe gjithashtu t’i paguhen dhe kostot ligjore.