Agjentë të antidrogës kanë zbarkuar në portin e Durrësit gjatë ditës së sotme, ku kanë ushtruar kontroll të imtësishëm në një kontenier me banane që vinte nga Amerika e Jugut.
Kontrolli erdhi pasi kishte dyshime që kontenierit i ishte ndryshuar vula. Kjo ka bërë që antidroga të dyshojë për substanca të ndaluara apo narkotikë.
Nga të dhënat e para mësohet se kontenieri e kishte orgjinën nga Ekuadori. Megjithëse ai kishte kaluar në skaner, sërisht është ushtruar kontroll nga agjentët e antidrogës.
Pak ditë më parë në Greqi u kap një sasi prej 137 kg kokainë në një kontenier që kishte destinacion Durrësin.
