Gjesti i ambasadorit të OSBE-së Bernd Borchardt, ngritja e gishtit para protestuesve të Unazës së Re, teksa ata qëndronin para Drejtorisë së Policisë Tiranë në pritje për të dalë prej andej të arrestuarit, ka sjell reagime të shumta. Në mesin e reagimeve është edhe ai i Europarlamentares Doris Pack. Kjo e fundit ka reaguar në postimin e bërë nga ish deputetja e PD-së Albana Vokshi. Ndërsa Vokshi shkruan “Respektimi i të drejtave të njeriut në Shqipëri dhe raportimi i tyre në institucionet ndërkombëtare”, duke nënkuptuar se ambasadori ka shkelur rregullat diplomatike dhe nuk ka respektuar të drejtat e njeriut.
Doris Pack ka shkruar: E padenjë për një ambasador. Kush do t’ ia thotë atij këtë gjë?! Dhe kush do e bëjë që të ketë pasoja!?
Gjatë ditës së sotme është kërkuar largimi i Borchardt, ndërkohë ky i fundit u detyrua të kërkojë ndjesë publike, ndjesë e cila nuk është pranuar nga banorët e zonës së Astirit.
