Sipas një studimi të bërë publik së fundi nga Instituti Legatum mbi prosperitetin e vendeve të Europës qendrore dhe lindore, shqiptarët e paguajnë nga xhepi i tyre shërbimin shëndetësor deri në masën 60%.
Shqipëria e koncesioneve miliardshe për shëndetësinë jo vetëm është e para mes të gjitha vendeve të hulumtuara në këtë drejtim, por edhe diferenca me vendet e tjera është shumë e madhe. Në të gjitha vendet e tjera të Europës qendrore dhe lindore, kjo normë zbret ndjeshëm nën 60%, deri në rreth 10% në rastin e Sllovenisë. Mesatarja e Bashkimit Europian ndërkohë, fiksohet në rreth 20%.
Skemat qeveritare mbulojnë më pak se 10% të shpenzimeve për shëndetin. Pjesa e mbetur, pra diçka më shumë se 30%, është pjesa që mbulohet nga sigurimi i detyrueshëm shëndetësor.
Mbetet ironik fakti që kjo gjendje e rëndë për taksapaguesin vazhdon ndërkohë që shëndetësia është sektori ku janë dhënë mbi 300 milionë euro me PPP, një shifër e jashtëzakonshme për ekonominë e një vendi si Shqipëria.
DENONCO