Studjuesja Jonila Godole ka reaguar lidhur me qëndrimin e mbajtur nga personalitete të ndryshme, përfshi edhe figurat politike, në Shqipëri dhe Kosovë, adresuar fituesit të çmimit Nobel në Letërsi, Peter Handkes.
Godole shprehet se është njohur me qëndrimet kritikuese ndaj tij, duke kërkuar indirekt madje që t’i hiqet çmimi, pas angazhimit të këtij të fundit me regjimin e Milosevicit, por i ka bërë përshtypje sesi këta personalitet shqiptare nuk reagojnë para mbrojtjes që i bëhet ende regjimit komunist të Enver Hoxhës duke mohuar krimet e tij.
“Natyrisht është më e lehtë të kritikosh Slobon e Serbisë sesa Enverin e shtëpisë, kështu fitojmë edhe ca pikë patrotikë në Kosovë. Por duhet të bëjmë punët e shtëpisë tonë njëherë para se të bëjmë të Botës.
Përndryshe reagimet për Handken janë vetëm servilizëm, patetizëm dhe në rastin më të keq: plagjarizëm, me info nga wikipedia dhe google për një shkrimtar që në Shqipëri as nuk i njihet vepra letrare dhe as kontributi si përkrahës i nacionalizmit vrastar serb”, shkruan Godole.
Reagimi i Jonida Godoles
Vleresimi i Peter Handkes me çmimin Nobel te letersise me gjeti ne Gjermani dhe deri tani nuk pata mundesi te lexoja reagimet ne Shqiperi e Kosove.
Me habit diçka:
Si ka mundesi qe politikane, artiste, personalitete nga shoqeria civile kritikojne me te drejte simpatine dhe angazhimin e shkrimtarit Handke me regjimin gjakatar te Milosevicit duke kerkuar indirekt anullim te Nobelit… dhe nga ana tjeter, shkelqejne me heshtjen e tyre para mbrojtjes qe politikane, shkrimtare dhe historiane shqiptare i bejne ende regjimit komunist te Hoxhes dhe klikes se tij duke mohuar krimet e tij?
Natyrisht eshte me e lehte te kritikosh Slobon e Serbise sesa Enverin e shtepise, keshtu fitojme edhe ca pike patrotike ne Kosove. Por duhet te bejme punet e shtepise tone njehere para se te bejme te botes. Perndryshe reagimet per Handken jane vetem servilizem, patetizem dhe ne rastin me te keq: plagjarizem, me info nga wikipedia dhe google per nje shkrimtar qe ne Shqiperi as nuk i njihet vepra letrare dhe as kontributi si perkrahes i nacionalizmit vrastar serb…
Mbi Peter Handken, si nje nder njoheset e paketa te vepres se tij ne origjinal, dhe mbytjen e tij ne narrativen nacionaliste serbe do te shkruaj me gjate pasi te kem mbaruar se lexuari esene e tij „Eine winterliche Reise zu den Flüssen Donau, Save, Morawa und Drina oder Gerechtigkeit für Serbien“ (Nje udhetim dimeror te lumenjte e Danubit, Saves, Moraves dhe Drinit ose Drejtesi per Serbine).
Botuar ne 1996 kjo „deklarate dashurie“ per Serbine agresore do te shenonte fillimin e kontributit te individit dhe shkrimtarit Handke ne retushimin e historise se Ballkanit ne favor te Serbise…
