Arben Malaj, ish-deputet i PS-së, përmes një postimi në rrjet ka ironizuar Kryebashkiakun Erjon Veliaj, lidhur me maratonën e Tiranës.
“Maratonën ndërkombëtare të Tiranës do t’a fitojë me meritë policia e Tiranës sepse ajo në te qindat e sekondës arrin të kapë në çdo cep të Tiranes çdo plakë që shet për bukën e gojës apo për ilaçet e mbijetesës.
Fitorja e policisë bashkiake bazohet në stërvitjen dhe rezultatet e tyre të përditshme”, shkruan Malaj në një postim në rrjet.
Postimi i Arben Malaj
Mirëmëngjesi, një koleg më nisi këtë foto. Ai vlerëson se maratonën ndërkombëtare të Tiranës do t’a fitojë me meritë policia e Tiranës sepse ajo në te qindat e sekondës arrin të kapë në çdo cep të Tiranes çdo plakë që shet për bukën e gojës apo për ilaçet e mbijetesës.
Fitorja e policisë bashkiake bazohet në stërvitjen dhe rezultatet e tyre të përditshme.
Çmimi moral do t’ju shkojë policëve fitues, ndërsa çmimi 900 euro për çdo armik të kapur, mund tju shkoj shefave të tyre. Suksese të dypalëve!
