Nga Boldnews.al
Nuk është më vetëm një dyshim, analizë për të kuptuar çdo të ndodhë, por fakt që askush nuk e mohon. Në gjashtë vitet e fundit, 450 mijë shqiptarë janë larguar jashtë vendit, në kërkim të azilit, me kontrata pune apo me bashkim familjar.
Shifra të frikshme, ku 40 % e të larguarve janë me arsim të lartë, kryesisht infermierë, mjekë, inxhinierë etj kategori, janë larguar për shkak të kushteve ekonomike, pasigurisë, korrupsionit, mungesës së shërbimeve dhe mohimit të të drejtave themelore.
Ky ka qenë hapi i parë i një politike qeveritare e cila synoni të largojë pjesën më vitale dhe të shkolluar të vendit. Është pikërisht ajo e cila kërkon më shumë të drejta, kritikon çdo qeverisje të keqe. Por sot edhe kjo pjesë që njihet kudo në çdo vend demokratik si “shtresa e mesme”, si mundësi shpëtimi nuk ka parë ndryshimin në vend, por largimin e menjëhershëm.
Çfarë ka mbetur në Shqipëri? Nëpunës të Rilindjes të majmur nga pushteti, të rinj të indokritnuar deri në palcë nën flamurin e partisë, me mendje të larë dhe tharë nga propaganda qeverisëse.
Ka mbetur edhe një shtresë tjetër që ende proteston, ende beson se mund të arrijë diçka, por për fat të keq edhe atë shumë shpejt do e presë reprezalja e një shteti policor. Shenjat janë dhënë që ditën e sotme. Pas ndryshimeve në Kodin Penal, ku neni për kundërshtim të punonjësve të policisë, apo bllokim rrugësh ashpërsohet, duke shkuar nga gjobë deri në tre vjet burgim, eksperimentin e parë qeveria e ka bërë me banorët e Unazës së Re. Në policinë e Tiranës ndodhen tre të arrestuar për akuzën e tubimit të paligjshëm dhe bllokim rruge.
Sipas ndryshimeve ligjorte, të cila u kthyen pas nga kreu i shtetit, por u rimiratuan me forcën e kartonit në Parlament, ‘vënia e pengesave ose ndalimi i qarkullimit te mjeteve te transportit automobilistik, hekurudhor, dënohet me gjobë ose me burgim deri në tre vjet’. Ashpërsimi i këtij neni synon që të burgosë dhe trembë këdo që proteston, ku banorët e Unazës së Re për gati një vit kundër prishjes së banesave të tyre, të cilat preken nga projekti i rrugës.
Pas skandalit të aferës së rëndë korruptive ku ishin falsifikuar dokumentat për të përfituar 40 milionë euro për vetëm dy kilometra rrugë, projekti u pezullua, por tani ka dalë në skenë një tjetër ide zhvillimore e hartuar nga Bashkia Tiranë, që gjithsesi rrafshon me tokën qindra banesa.
Ligji nuk ka pasur për qëllim të mposhtë vetëm një grup banorësh, por është formë për të mbytur çdo protestë në vend, ku nëse do ketë konflikte, burgjet do mbushen me protestues antiqeveri. Të lirë dhe “të lumtur” do të mbesë vetëm kategoria e Rilindasve, që marrin benefite nga pushteti dhe kërkojnë të mbajnë më çdo kusht, edhe me reprezalje dhe shpopullim të popullsisë një pushtet i cili i ka kaluar kufijtë e autoritarizmit, duke shkuar drejt diktaturës.
