Transporti publik në Shqipëri lë shumë për të dëshiruar, por edhe linjat urbane në Tiranë nuk ofrojnë ende një shërbim cilësorë apo të denjë për një qytet që është në të njëjtën kohë metropol. Megjihatë, të shumtë janë personazhet publikë dhe politikanë që herë pas here nuk ngurojnë të përdorin transportin publik duke e konsideruar edhe si një mënyrë tejet efikase për të rritur publicitetin.
I fundit është deputeti Kujtim Gjuzi, i famshëm për bëmat dhe deklaratat e tij të çuditshme, jo shumë për nga konteksti politik se sa për ‘boomin’ mediatik që prodhojnë.
Gazetarja Eglantina Nikollaj ka shkrepur një foto ‘domethënëse’ ku duket Gjuzi duke pritur autobuzin në stacion. Nikollaj e ka publikuar foton në rrjetet sociale me dixhiturën e famshme ‘ky vend do bëhet falë Kujtim Gjuzit’. Kur ‘bërja’ e një vendi mbetet në ‘dorë’ të atyre që e konsiderojnë ende thjeshtësinë një luks, padyshim që është një metaforë e goditur edhe për rastin në fjalë.
