Policia italiane arrestoi dy shqiptarë, që akuzohen për kultivim dhe shitje narkotikësh, ndërsa kishin kthyer një fermë të braktisur në një serë për tharjen e marihuanës.
Dy shqiptarët e moshës 26 dhe 34 vjeç banues në Torino, u ndaluan në një fermë të braktisur në Candiolo, e cila kryente funksionin e tharjes së marijuanës.
Ata u kapën duke tharë drogën, të gatshëm për ta paketuar në doza.
Policia gjeti dhe sekuestroi 1500 rrënjë kanabis, me një peshë totale prej 22 kilogramësh lëndë narkotike.
