‘Sipas kokës festen’/ Avokati i njohur tregon se si sillet BE dhe Turqia me Serbinë dhe si me Shqipërinë

Avokati i njohur, Altin Goxhaj, ka renditur në Facebook disa fakte reale, se si Europa por edhe Turqia tallen me qeverinë rilindase, ndërsa asaj serbe i japin miliona investime.

Sipas Goxhajt sot rrugët e Serbisë ndërtohen me miliona euro që financohen nga Turqia dhe BE, dhe këto para i përfitojnë bizneset serbe, ndërsa rrugët e Shqipërisë ndërtohen me paratë e shqiptarëve të cilat i përfitojnë bizneset turke.

Ja postimi i Goxhajt:

SIPAS KOKËS FESTEN!

Autostradat Serbe bëhen me MILIARDAT E TURQISË & BE që i marrin bizneset serbe!

Autostradat Shqiptare bëhen me MILIARDAT E SHQITARËVE që i marrin bizneset turke.. dhe politikanët shqiptarë!

Që t’a kuptoni ndryshimin:

Shqipëria dhe Kosova e ndërtuan me lekët e veta Autostradën e Bashkimit të Kombit Durrës-Prishtinë dhe miliardat i morën firmat turke të ndërtimit!

Autostraden Sarajevë-Beograd po e ndërton Erdogani dhe miliardat e turkut i marrin firmat serbe! Ndërsa Autostradën Beograd-Kosovë e ndërton BE dhe miliardat i marrin firmat serbe (edhe me ndihmën e lobimit të EDvErit në BE)!

Sepse Turqisë dhe Gjeopolitikës së Re Rajonale me të drejtë i vlen më shumë Serbia dhe Serbët se sa shqiptarët! Sepse Serbët e kanë çmimin e lartë dhe i duan miliardat e Erdoganit për Zhvillimin e Serbisë kundrejt aleancës me të por edhe sepse Serbët e duan Atdheun dhe Kombin e tyre dhe u intereson çdo shtet dhe lider antiamerikan!

Shqiptarët mjaftohen me dashurinë servile për Padishahun të politikanëve të vet në Ballkan që trashen nga miliardat, votat e erdoganistëve, dhe pazareve të fshehta që kanë për bazë interesat e tyre dhe jo të Kombit!

Siç e përshkruante qartas Vaso Çubrilloviç në Memorandumin famëkeq për Dëbimin e shqiptarëve nga Ballkani të 1937:

“Duhet të gjenden sa më shpejtë që të jetë e mundur agjitatorë nga Turqia, në qoftë se ajo do të na i japë.. Ata duhet .. të ngjallin krenarinë për shtetin turk midis masave.”

LEXO EDHE  Aksident i rëndë/ Një person humb jetën