Raportet me Ramën dhe Metën/ Kurti: Ja pse ndodhi ftohja me Edin, ka afeksion të rrezikshëm…

Albin Kurti, lider i Vetëvendosjes, tha se ka raporte shumë të mira me Presidentin Ilir Meta, por ka kohë që nuk e ka takuar.

Gjithashtu Kurti tha se do të takohet edhe me Kryeministrin Edi Rama, pavarësisht se raporteve që ka me të.

Në emisionin Opinion, Kurti u pyet nga Blendi Fevziu mbi raportet që ka me Edi Ramën dhe Ilir Metën, ndërsa sqaroi edhe shkakun sepse ndodhi ftohja e marrëdhënieve me Kreun e Qeverisë së Shqipërisë.

“Ftohja me Ramën ka ardhur si rezultat i afërsisë së tepruar të kryeministrit Edi Rama me presidentin e Kosovës dhe ndodhi në një moment kur në Prishtinë po zhvillohej një protestë e madhe kundër tij.

LEXO EDHE  Transportonte klandestinë kundrejt parave, arrestohet 25-vjeçari

Jam takuar me Ramën në rezidencën e tij në Dhërmi dhe kemi diskutuar për shumë gjëra për aq shumë gjera jemi pajtuar.

Por, gjëja që me ka mbetur pak enigmatike është sepse ai nuk shkëputet nga afeksioni i tij i rrezikshëm për ndryshim kufijsh.

Do takohem shpejt me Ramën, gjithashtu dhe me Metën, me të cilin kam raporte shumë të mira”, tha Kurti.