Kryetarja e LSI-së, Monika Kryemadhi, tha se nëse kryeministri Edi Rama, do të kishte dëgjuar George Sorosin nuk do kishte përfunduar si gruaja e Bilalit në fotografinë e Obamas.
Në studion e Syri Tv, Kryemadhi tha se Rama është aq dinak sa nuk firmos vetë për koncesionet pasi ka frikë nga dënimi, por ia ka lënë të gjitha koncesionet ministrave të tij.
“Të gjitha koncesionet Rama ia ka lënë Milva Ikonomit, Beqajt, Damianit, Niko Pekeshit, Erion Braçes e me radhë. Rama nuk ka firmosur vetë. E dini që për ligjin për Teatrin nuk ka marrë pjesë në votim dhe nuk asnjë fjalim të tij në procesverbal që nesër të jetë i larë. Madje nuk ka votuar as pro”, tha Kryemadhi.
Kryetarja e LSI tha se Soros nuk është budalla se po të ishte i tillë nuk do të mundte që me falangat e tij të shtrinte ndikimin deri në Departamentin e Shtetit.
“Çfarë mendoni ju se Soros është budalla? Atëherë si ka shtrirë ndikimin e tij në të gjithë Botën, përfshi edhe DASH-in”, tha kryetarja e LSI.
