Sekretari i Shtetit amerikan Mike Pompeo ka vizituar edhe Greqinë në turin e takimeve që ka zhvilluar me krerët e shteteve të Ballkanit Perëndimor.
Ndërkohë gjatë një interviste për televizionin grek ‘Sky’ ka bërë një deklaratë të papritur ku tha se Greqia duhet të udhëheqë Ballkanin duke theksuar se kjo është edhe një dëshirë e Shteteve të Bashkuara të Amerikës.
Pompeo shtoi se në një kontekst më të gjerë, SHBA kujdeset që Ballkani të stabilizohet, pasi ky është një rajon me “plot sfida” dhe se ata duan ta shohin Greqinë duke e udhëhequr atë, raporton agjencia e lajmeve ANA.
“Ne duam një fillim të ri me kryeministrin e ri Kirijakos Micotakis dhe ekipin e tij që të udhëheqë rajonin përpara dhe krijimin e stabilitetit në të gjithë Ballkanin,” tha Pompeo.
