Një sherr në Vlorë i ka kushtuar jetën një 56-vjeçari. Burime zyrtare nga policia konfirmuan këtë të hënë se viktima Stavri Mino, 56 vjeç, pasi u dhunua fizikisht një ditë më parë, gjeti vdekjen në spital. Si autorë të ngjarjes janë arrestuar tre persona, Astrit Hameti, 48 vjeç, Nusret Hoda,57 vjeç dhe Agron Hameti, 56 vjeç, për akuzën e vrasjes me dashje, kryer në bashkëpunim
“Policia ka arrestuar në flagrancë për veprën penale ‘Vrasje me dashje’ kryer në bashkëpunim të shtetasve: A.H., 48 vjeç, N.H., 57 vjeç, A.H., 56 vjeç, të tre banues në Vlorë. Këta shtetas në bashkëpunim me njëri-tjetrin në lagjen ‘1 Maji’, gjatë një konflikti për motive të dobëta kanë goditur fizikisht shtetasin S.M., 56 vjeç, për pasojë ka gjetur vdekjen. Materialet iu referuan Prokurorisë në ngarkim të tyre për veprime të mëtejshme”, njoftoi policia.
Ngjarja
“Rreth orës 16:20, në zonën pranë kabinave të Plazhit të Vjetër, dyshohet se pas një konflikti midis disa personave, njëri prej tyre ka rënë në tokë pa ndjenja. Pas mbërritjes së shërbimit të ambulancës dyshohet se 50 vjeçari S.N., ka ndërruar jetë. Nga kqyrja paraprake viktima nuk ka shenja dhune të dukshme, megjithatë po punohet për përcaktimin e shkakut të vdekjes”, njoftoi një ditë më parë policia.
