34-vjeçari A.R. nga Lushnja është arrestuar nga policia në banesën e tij, pasi për motive të dobëta ka ushtruar dhunë fizike ndaj babait të tij, shtetasit E.R., 59 vjeç.
Ndaj 34-vjeçarit rëndon akuza për veprën penale, dhunë në familje, ndërkohë që materialet në ngarkim të tij i kanë kaluar prokurorisë së rrethit.
“Specialistët për Hetimin e Krimeve në Komisariatin e Policisë Lushnje, arrestuan në flagrancë shtetasin: A.R, 34 vjeç, banues në Krutje, Lushnje. Arrestimi i këtij shtetasi u bë pasi në banesë, për motive të dobëta ka ushtruar dhunë fizike ndaj babait të tij, shtetasit, E.R, 59 vjeç. Materialet i kaluan Prokurorisë pranë Gjykatës së Shkallës së Parë Lushnje për veprën penale ‘Dhunë në familje’”, njoftoi policia këtë të hënë.