Ngjarja e së premtes, kur një 13-vjeçare planifikoi “rrëmbimin” e saj tronditi opinionin publik.
Ndërkohë mësohet se Prokuroria për Krime të Rënda ka nisur hetimet për inskenimin e rrëmbimit të 13 vjeçares pasditen e të shtunës.
Burime konfirmojnë për ABC News se gjithçka ka qenë e planifikuar nga vetë 13-vjeçarja pasi prindërit nuk e lejonin që të dilte me shoqet.
Po i njëjti burim saktëson se në deklarimet e dhëna para grupit hetimor në policinë e Tiranës, e mitura ka deklaruar se ajo e kishte planifikuar për të dalë me shokët e shoqet e klasës dhe i ka thënë motrës më të vogël që të thoshte në shtëpi që e kanë rrëmbyer dy persona.
Sipas burimeve nga Krimet e Renda nuk ka akuzë për rrëmbim personi edhe pse hetimet vazhdojnë për të bërë të mundur zbardhjen e plotë të këtij inskenimi.
Sipas të njëjtit burim, vajza ka vendosur vetë që të dilte dhe të lajmëronte familjen se ku ishte. Të njëjtat deklarime kanë dhënë edhe miqtë e saj në polici, se ata e kishin planifikuar për të dalë./abcnews.al
