Deputetja e “opozitës së re” Rudina Hajdari, edhe pse prej dy vjetësh është pjesë e Kuvendit të Shqipërisë, duket se ka ende probleme me artikulimin.
Pothuajse në çdo seancë ajo tërheq vëmendjen me lapsuset dhe gafat.
Në një prej seancave Rudina shprehej “ne do vijojmë që të përçajmë të gjithë Shqipërinë…”. Ndoshta pa e kuptuar lapsusin, ajo vijoi fjalimin në foltoren e Kuvendit, ndërsa kolegët e saj qeshnin.
Në një tjetër seancë shpalli Laprakën si kryeqytetin e Tiranës dhe sërisht vijoi fjalimin sikur të mos kishte ndodhur gjë.
Në një reagim publik lidhur me gafat dhe lapsuset, Rudina sqaroi se kjo vinte për shkak se e kishte të vështirë të artikulonte në shqip. Por Rudina sqaroi se me ndërkombëtarët merret vesh shumë mirë në anglisht.
Deputetja e opozitës së re disa herë është bërë objekt humori në rrjet dhe media. Së fundmi, emisioni Boom ka përmbledhur me nota humori gafat e Rudinës.