Agjencia prestigjioze e lajmeve “Reutres”, i ka kushtuar një shkrim çështjes së hapjes së negociatave për dy vendet e Ballkanit, Shqipërinë dhe Maqedoninë e Veriut.
Ajo thotë: “Në dritën e përparimit të arritur në reformat … ( BE) vendos të hap negociatat e pranimit me Republikën e Maqedonisë së Veriut. “E njëjta linje ishte përgatitur për Shqipërinë. Por – ndërsa BE-ja duartrokit zgjidhjen historike të emrit midis Shkupit dhe Athinës, e cila për shumë vite bllokoi ofertën e anëtarësimit të Maqedonisë – shumë në BE janë të shqetësuar thellësisht për rezultatet e Tiranës ne luften kunder korrupsionit”.
Me Shkupin negociatat të nisin brenda vitit, por Reuters shkruan se për Tiranën nuk ka një datë.
“Disa në Bruksel presin që Franca të kërkojë edhe më shumë kushte nëse Parisi përfundimisht thote ‘Po’. Një kompromis tjetër i mundshëm do t’i jepte dritën e gjelbër Maqedonisë së Veriut, por jo Shqipërisë”, e mbyll shkrimin Reuters.
SHKRIMI I PLOTE I REUTERS:
Gjermania ka propozuar fillimin e bisedimeve të anëtarësimit në BE me Maqedoninë e Veriut para mbarimit të këtij viti dhe dakordimin në parim për fillimin e procesit për Shqipërinë, por pa caktuar një datë të saktë përpara se Tirana të përmbushte më shumë kushte.
Plani, i paraqitur vendeve të BE-së këtë javë para se ministrat e bllokut 28-anetaresh ta diskutojnë atë në mes të tetorit, është një kompromis i mundshëm për ata në BE që përpiqen t’i afrojnë vendet e Ballkanit më afër unionit, por përballen me rezistencën nga Franca, Hollanda dhe Danimarka.
BE duhej të binte dakord për bisedimet me Shqipërinë dhe Maqedoninë e Veriut në 2018 dhe pastaj përsëri qershorin e kaluar. Por vendimi u vonua në mënyrë të përsëritur mes mosmarrëveshjeve të brendshme e që nderkohe po merren edhe me Brexit-, largimin e parë të një anëtari nga unioni evropian.
Shumë shtete anetare të BE-së po bëjnë përpjekje për të hapur bisedimet e pranimit me të dy vendet nga një rajon që qëndron në deren e bllokut dhe është thellësisht i mërzitur nga luftërat e viteve 1990.
NGURRIM
Por shtetet e pasura të BE-së kanë nguruar, me Francën te paren që kërkon reforma në bllok per Shqipërinë dhe Maqedoninë e Veriut.
Në projektvendimin që do ti prezantohet ministrave të BE më 15 tetor, i cili u pa nga Reuters, thuhet: “Në dritën e përparimit të arritur në reformat … ( BE) vendos të hap negociatat e pranimit me Republikën e Maqedonisë së Veriut. ”
E njëjta linje ishte përgatitur për Shqipërinë. Por – ndërsa BE-ja duartrokit zgjidhjen historike të emrit midis Shkupit dhe Athinës, e cila për shumë vite bllokoi ofertën e anëtarësimit të Maqedonisë – shumë në BE janë të shqetësuar thellësisht për rezultatet e Tiranës ne luften kunder korrupsionit.
Pas votimit në Berlin, Gjermania bëri një propozim të ri, konfidencial për në BE, i cili u pa edhe nga Reuters.
Ndërsa e la pjesën e pandryshuar në Maqedoninë e Veriut, ajo nuk dha datë për konferencën e parë ndërqeveritare me Shqipërinë, në vend të kësaj propozoi një listë me më shumë reforma që do të bëheshin nga Tirana para se të mund të zhvillohej një takim i tillë.
Nëse ministrat e BE nuk arrijnë të bien dakord përsëri, çështja mund të diskutohet në samitin e liderëve kombëtar me 17-18 Tetor në Bruksel.
“Atëherë do të ishte ne doren e Merkel të bindtte Makronin, nëse është e mundur,” tha një diplomat i lartë.
Disa në Bruksel presin që Franca të kërkojë edhe më shumë kushte nëse Parisi përfundimisht thote ‘Po’. Një kompromis tjetër i mundshëm do t’i jepte dritën e gjelbër Maqedonisë së Veriut, por jo Shqipërisë.
