Moikom Zeqo, një nga personalitetet më të njohur të kulturës sonë kombëtare në një intervistë për gazetën Panorama ka rrëfyer periudhën kur u angazhua në politikë, konkretisht me Partinë Socialiste.
I pyetur se pse u largua nga politika pasi mbajti postin e deputetit të PS deri në ’96-ën, Zeqo fajëson ish kryeministrin Fatos Nano.
“Nga politika më largoi Fatos Nano prej kapricove të tij. Unë isha ministër i tij i kulturës, por kur u ktheva nga Amerika ku gjatë viteve 96-97 isha për studime, ai vendosi që unë të mos kish asnjë post pavarësisht angazhimit tim intensive ’92-1996. Dhe meqë mbeta pa punë, pensioni im i jetës asokohe më doli më pak se 15 mijë lekë, pasi shumë vite nuk llogariteshin, si periudha në Lidhjen e Shkrimtarëve dhe Artistëve, pasi ishin mbyllur administratat. Ishte e tmerrshme”, shprehet shkrimtari.
