Një grua në Australi ka vdekur për shkak të çukitjeve nga një gjel. Mediat shkruajnë se në një fermë në Adelaide gjeli ka çukitur të zonjën në këmbë duke i çarë një venë varikoze, çka i ka shkaktuar hemorragji dhe më pas vdekjen.
Gruaja 76-vjeçare po mblidhte vezë nga prona e saj në fermë kur gjeli çukiti në këmbën e saj në mënyrë të përsëritur, sipas një studimi të botuar në fund të gushtit në revistën Forensic Science, Medicine and Patology.
Hemorragjia bëri që gruaja të humbasë ndjenjat dhe më vonë të humbë jetën. E moshuara më parë ishte diagnostikuar me hipertension, diabet tip II dhe vena varikoze.
“Edhe kafshët shtëpiake relativisht të vogla mund të jenë në gjendje të shkaktojnë dëmtime vdekjeprurëse te individët nëse ekzistojnë prekje specifike vaskulare”, thuhet në raport.
Profesori Roger Byard në Universitetin e Adelaides në Adelaide, Australi, i cili ishte bashkautor i studimit me Judith Fronczek, tha se incidenti i frikshëm tregon “sa vulnerabël janë të moshuarit”.
“Sulmet vdekjeprurëse të gjelit janë shumë të rralla, por kafshët e vogla mund të shkaktojnë vdekjen nga trauma”, i tha Byard USA TODAY.
Për të parandaluar që incidente të tilla të ndodhin, Byard këshillon që individët të trajtojnë me respekt kafshët, “madje edhe ato të vogla”. Venat varikoze gjithashtu duhet të trajtohen, tha ai.
Dr Dianna Bourassa, një ndihmëse profesore e shkencave të shpendëve në Universitetin Auburn, këshillon masa parandaluese kur merren me një shpend agresiv alfa.
“Nëse një pulë ose gjel është gati të sulmojë,- i tha ajo USA TODAY, një person mund ta kap pulën në këmbë dhe mbajë prej krahësh për të vendosur dominimin. Kjo nuk do të dëmtojë pulën”.
Nëse një pulë vazhdon të jetë agresive – vëren Bourassa, zakonisht “nuk është gjë që ndodh një herë” – ajo sugjeron të vishni veshje mbrojtëse, të tilla si këmisha të gjata me mëngë të gjata, pantallona dhe çizme.
Kjo nuk është hera e parë që një gjel ka vrarë ose dëmtuar dikë. Në vitin 2011, një burrë nga Kalifornia u godit me thikë nga një zog gjel deti me të lidhur në gjymtyrën e gjelit.
Një gjel “i egërsuar” u bë gjithashtu shkak për panik në Jasper, Arkansas, në korrik, megjithëse nuk shkaktoi dëmtime të mëdha.
