Mësohet gjendja shëndetësore e portierit të Partizanit Aldo Teqja i cili u hodh nga kati i gjashtë i pallatit mbrëmjen e sotme.
Sipas burimeve për Bold News, mësohet se ai nuk ka dëmtime në kokë apo kocka të thyera por ka dëmtime në mushkëri. 24 orë do të jetë në observim reaminator dhe nuk ka garnci për jetën. Pas 24 orësh mjekët do të thonë nëse e kalon rrezikun apo jo.
Burime nga uniformat blu bëjnë me dije se Teqja po kalonte një periudhë të vështirë dhe në kushtë të rënda psikologjike është vetëhedhur nga ballkoni.
Ekipi i Partizanit ndërkohë, thotë se kemi të bëjmë me një aksident.
Njoftimi i policiës
Tiranë/Informacion Paraprak
Rreth orës 19:40 në rrugën “Medar Shtylla”, dyshohet se në kushte të rënduara psikologjike, është vetëhedhur nga kati i 6-të i banesës shtetasi A. T.,24 vjeç,i cili u dërgua në spital për ndihmë të specializuar mjeksore.
Grupi hetimor po vijon punën për sqarimin e rrethanave të ngjarjes.
Njoftimi i Partizanit
Klubi njofton se pjestari i ekipit Aldo Teqja siç edhe është raportuar në media ka pësuar një aksident menjëherë pas përfundimit të takimit Partizani – Teuta.
Aktualisht portieri Teqja gjendet i shtruar në spitalin e Traumës në Tiranë nën mbikqyrjen e mjekëve, fatmirësisht jasht rrezikut për jetën.
Mjekët e spitalit janë duke monitoruar gjendjen e Lojtarit. Prezent në ambientet jashtë spitalit janë shokët e skuadrës, stafi dhe drejtues të Klubit.
