Janë mbyllur tre ndeshjeve të vlefshme për javën e shtatë të Kategorisë Superiore, në Tiranë, Vlorë dhe Korçë.
Supersfidën Partizani-Teuta, u mbyll në barazim 1-1, duke mos njohur asnjë fitues. Janë durrsakët që kaluan të parët në avantazh me anë të Avdylit në minutën e 38, por në minutat shtesë të fraksionit të parë të lojës do të vinte goli i Trashit për të vendosur baraspeshën.
Në minutën e 36′ Partizani mbeti me 10 lojtarë pasi Romero ndëshkohet me kartonin e dytë të verdhë, për një faull në mesfushë ndaj Avdylit.
PARTIZANI-TEUTA 1-1
(Trashi 45+3′ / Avdyli 38′)
Një fund dramatik në Vlorë. Kur dukej se kryeqytetasit do të merrnin tre pikët, në fund të takimit shënoi Hoxhaj për Flamurtarin duke e çuar rezultatin në 2-2. Për Tiranën realizoi një dopietë Edon Hasani në minutën e ‘4 dhe ’38. Ndërsa vlonjatët barazuan provizorisht me anë të një autogoli nga Ngo në minutën e ’13.
Flamurtari-Tirana 2-2
(Ngo aut. 13′, Hoxhaj 91′ / Hasani 4′, 38′)
Në ndeshjen tjetër e luajtur në Korçë, Skënderbeu ka arritur të gjejë vetëm në frymën e fundit golat duke marrë trepikë të vlefshme përballë Luftëtarit.
Në minutën e ’93 të takimit do të ishte Dita që zhbllokoi sfidën. Pas një penalltie të fituar nga Krasniqi, Dita e ekzekutoi në mënyrën më të mirë. Mesa duket korçarëve i duheshin vetëm minutat shtesë në pjesën e dytë, pasi një minutë më vonë do të ishte Arbnor Muja, sulmuesi i Kosovës U-21, që shënoi edhe golin e dytë.
Skënderbeu-Luftëtari 2-0
(Dita 90+2′, Muja 90+4′)
