Ish-deputeti i Partisë Demokratike, Luçiano Boçi ka reaguar lidhur me helmimin e nxënësve të shkollës “Adem Haxhia” në Postribë, gjatë ditës së djeshme. Përmes një statusi në rrjetin social Facebook, Boçi ka parashtruar një paralelizëm mes cilësisë se fast-dooeve dhe ushqimore që ndodhen pranë shkollave me vetë shkollat e ‘dirigjuara’ tanimë nga politikat e kryeministrit Edi Rama dhe Ministres së Arsimit, besa Shahini.
“Është përsëritje e shumë rasteve të tjera, si dëshmi e helmimit të arsimit në tërësi dhe mungesës së perkujdesit për fëmijët tanë. Garancia dhe siguria ushqimore sikurse ajo fizike, përtej propagandës, pranë shkollave është skandaloze”, shkruan Boçi.
Postimi i plotë i Luçiano Boçit:
HELMIMI I ARSIMIT
Helmimi i nxënësve në Postribë nuk është i vetmi.
Është përsëritje e shumë rasteve të tjera, si dëshmi e helmimit të arsimit në tërësi dhe mungesës së perkujdesit për fëmijët tanë.
Garancia dhe siguria ushqimore sikurse ajo fizike, përtej propagandës, pranë shkollave është skandaloze.
Nxënësit për shkak të moskujdesit shtetëror, konsumojnë ushqime pa asnjë kontroll dhe përtej normave higjeniko-sanitare.
Ndërkohë shkolla ka përgjegjësi totale, sepse nxënësit janë brenda orarit mësimor.
Por Besa “e mençur” me siguri do japë ndonjë deklaratë të tipit që “ne nuk investojmë në vende të humbura e shkolla me 7 nxënës”.
Ose do heshtë siç ka bërë në shumë raste nga padija.
Sot ajo nuk e sheh që shumë shkolla ngjajnë si fast food-e me ushqime te skaduara dhe shumë fast food-e ngjajnë si shkollat e Ramës e Besës.
Helmimi i nxënësve dhe i arsimit duhet ndalur!!!
Brenda dy ditëve të fundit, rreth 50 fëmijë të shkollës “Adem Haxhia” në Postribë janë paraqitur në urgjencën e spitalit. ISHP-ja dhe policia kanë nisur hetime duke marrë fillimisht në pyetje punonjësit e fast food-it.
Përgjegjësja e DSHP-së, Dhurata Hysa është shprehur se duhen pritur konkluzionet e analizave për të dalë në një përfundim, duke hedhur hipotezën se helmimi mund të ketë ardhur edhe nga uji duke këshilluar qytetarët të mos e konsumojnë atë.
