Varret e faraonëve nuk janë gjetur kurrë, por një arkeolog, ekspert i historisë së Egjiptit të lashtë mendon se është afër zbulimit të tyre.
Arkeologu beson se mund të ketë zbuluar provën më të madhe të gjitha kohërave të një dhome sekrete brenda piramidës gjigande Giza, e cila mund të mbajë një faraon të famshëm.
Struktura e tyre mbetet një mister dhe historianët kanë debatuar prej kohësh qëllimin e strukturës së tyre bashkë me vendet që akoma kanë shumë për të zbuluar dhe eksploruar.
Mathew Sibson, një ekspert i historisë dhe civilizimit të lashtë beson se mund të ketë gjetur prova shkencore që mbështesin teorinë se brenda piramidave ka dhoma.
Nga gërmimet e vitit 1992, është gjetur prova më e besueshme për ekzistencën e këtyre dhomave.
Në këtë video të faqes në Youtube “Arkeologët e famshëm”, ai shpjegon Nisja e gërmimit u drejtua nga arkeologu Jean Kerisel dhe u siguruan që të gërmonin sipërfaqen rreth piramidës në mënyrë të tillë që ajo të mos e humbiste strukturën e saj.
Skuadra po kërkonte me vendosmëri se mos gjenin prova që aty mund të ekzistonte ndonjë kanal apo të kishte ujë më në brendësi të piramidës, por në vend të këtyre ata zbuluan se aty ishte një zgavër e çuditshme.
Zgavra dukej se ishte 1,6 metra e gjatë, por gjatë mundimit për të hyrë në të, skuadra me mjetet e tyre arkeologjike nuk arriti të futej më tej për ta zbuluar dhe për të gjetur ndonjë gjë.
Kjo i bëri ata të besonin se ishte një zgavër e krijuar nga dukuritë natyrore apo nga shpërbërja e ndonjë guri gëlqeror.
Megjithatë ata nuk hoqën dorë nga kërkimet dhe gjetën se shumë rrugë apo zgavra brenda piramidës të çonin drejt një muri të madh misterioz që Mathew besonte se ishte dhoma e varrit të faraonit.
Nga intervista që dha për “Daily Star Online”, ai u shpreh se brenda Piramidës së Madhe jo rastësisht mund të jenë këto dhoma që duket se fshehin jo vetëm varret e faraonëve, por edhe gjëra të tjera shumë të rëndësishme. /BN/
