Një ngjarje e rëndë është regjistruar pasditen e sotme në Trieste të Italisë, ku dy policë, 30 dhe 34-vjeç, humbën jetën pas një shkëmbimi zjarri me dy hajdutë.
Shkëmbimi i zjarrit ndodhi mes policisë dhe dy vëllezërve, në Selinë e Policisë në Trieste, pasi ata ishin shoqëruar pas një kontrolli për grabitjen e një skuteri, kryer në orët e para të mëngjesit.
Njëri prej dy të arrestuarve kërkoi të shkonte në tualet, por arriti t’i vidhte armën njërit prej agjentëve.
Në përpjekje për t’u arratisur, ai qëlloi një polic në ambientet e brendshme të Komisariatit. Agresori doli jashtë nga një kalim nëntokësor, ku dhe qëlloi për vdekje efektivin.
Autorët, me kombësi dominikane, quhen Alejandro Augusto Stephan Meran, 29 vjeç dhe Carlysle Stephan Meran, 32 vjeç.