Hapja e negociatave me Shqipërinë është e parakohshme.
Është ky qëndrimi që shprehet përmes një letre që Qeveria holandeze i ka drejtuar Parlamentit të Holandës, duke përmendur si kushte ngritjen e SPAK dhe krimin.
Qeveria holandeze i kërkon parlamentit të jetë fleksibël dhe kërkon hapësirë për të negociuar më 16 tetor, duke evidentuar se Shqipëria është “prematurë” për hapjen e negociatave.
Vendimi i parlamentit i lë më shumë hapësirë Ministrisë së Jashtme që në mbledhje me ministrat e tjerë të vendeve të BE-së të ketë fleksibilitet për këtë çështje.
“Këshilli konkludoi në 26 qershor 2018 se Shqipëria duhet të ndërmarrë një rrugë konkrete me zbatimin e sundimit të ligjit përpara se të hapen negociatat e anëtarësimit.
Vendi duhet të konsolidojë reformat gjyqësore dhe të japë rezultate të prekshme në luftën kundër korrupsionit dhe krimit të organizuar.
“Qeveria mirëpret hapat e ndërmarra nga Shqipëria në fushën e Vettingut, atë të sundimit të ligjit, operacionet policore dhe arrestimin e dy kryebashkiakëve të inkriminuar.
Por Shqipëria duhet të bëjë më shumë për të luftuar korrupsionin e krimit të organizuar.
Struktura Speciale Kundër Korrupsionit dhe Krimit të Organizuar (SPAK) duhet në çdo rast së pari të jetë operacional dhe Shqipëria të shërbejë një rekord bindës në luftën kundër krimit të organizuar dhe korrupsionit.
Hapja e negociatave në këto momente, është një hap i parakohshëm”, thuhet në letrën e qeverisë holandeze drejtuar Parlamentit.
