Në fjalën e mbajtur gjatë takimit mes Ministrave të Drejtësisë së Ballkanit Perëndimor, kreu i qeverisë Edi Rama, nuk ka nguruar të shpalosë retorikën e tij metaforike duke shkaktuar të qeshura edhe në sallë.
Duke folur për rëndësinë e implementimit të të gjitha reformave dhe zhvillimin e të gjithë pikave që janë kërkuar nga Bashkimi Europian, kryeministri Rama theksoi se në fakt ‘shqiptarët e dinë shumë mirë se sa rrugë të gjatë kanë përpara për të zhvilluar politikën, shoqërinë si dhe ekonominë e vendit, njësoj siç edhe e dinë se askush prej nesh nuk po aspiron të futet në BE. Ne nuk po kërkojmë të na fusni me zor port ë na hapni rrugën për të ecur drejt këtij qëllimi’.
“Shoh këtu edhe ambasadorin e Britanisë së Madhe të pranishëm. Këta anglezët janë në pozicionin më komod të mundshëm në fakt. Sepse këta mund të negociojnë dhe të vendosin kushte lidhur me divorcin e tyre të famshëm por ne shqiptarët i kemi shumë qejf dasmat. Ne e kemi për herë të parë këtë martesë dhe nuk do lejojmë askënd të na ndajë,’ u shpreh Rama.
