Një shqiptar i Kosovës, i identifikuar si Fatos. L, u qëlluar për vdekje në qytetin e vogël të Abensbergut në Bavari të Gjermanisë, krim i kryer pranë një qendre tregtare.
Ndërkohë, që i plagosur rëndë ka mbetur vëllai i tij.
Mediat gjermane shkruajnë se nuk përjashtohet që motivi i krimit të jetë politik.
Nuk dihen shumë detaje, por më herët u raportua se ngjarja që tronditi kalimtarët mund të ishte një përplasje mes serbëve dhe kosovarëve.
Gazeta Express nga ana e saj thotë se viktima mund të jetë kosovari Fatos Lumi. I plagosur ka mbetur vëllai i tij, Hakiu.
Por kjo gazetë shkruan se edhe autorët e krimit janë nga Kosova.
Mendohet se autorët e krimit dhe viktimat njiheshin mes tyre. Policia ka arrestuar një nga të dyshuarit për krimin.
