Kreu i PDK, Nard Ndoka, i ftuar në Report Tv ka komentuar situatën politike në vend, por dhe kërkesat e opozitës për të marrë pjesë në reformën në drejtësi.
I pyetur nga moderatori i emisionit se përse opozita kërkon largimin e Rudina Hajdarit nga tryeza për Reformën në Drejtësi, Ndoka tha sepse ajo nuk përfaqëson askënd.
Sipas Ndokës, Rudina është futur në parlament si e bija e Azem Hajdarit, pasi nuk ka asnjë meritë tjetër.
‘Sot ajo është një individ i pabesueshëm dhe nuk përfaqëson asnjë parti politike dhe asnjë qytetar me votë. Dhe nuk mund të marrë ajo mbi shpatullat e saj një barrë për Reformën zgjedhore’, tha Ndoka.
