Qindra ukrainas kanë protestuar pasi Presidenti Volodymyr Zelensky tha se ai kishte mbështetur një marrëveshje që do të sillte zgjedhje në vendin e tyre, të kontrolluar nga separatistët e mbështetur nga Rusia.
Zelensky erdhi në pushtet duke premtuar se do t’i jepte fund konfliktit 5-vjeçar në lindje, ku për pasojë kanë mbetur të vdekur 13,000 njerëz.
Nacionalistët u mblodhën në Kiev me pankarta që kërkonin “pa kapitullim”.
Pjesë të mëdha të Luhansk dhe Donetsk, në rajonin Donbas në lindje të Ukrainës, u kapën nga separatistët e mbështetur nga Rusia në 2014 pasi Rusia pushtoi dhe aneksoi rajonin e Krimesë të Ukrainës.
Konflikti shpërtheu ndërsa ushtria e Ukrainës u përpoq të tërhiqte zona të mbajtura nga rebelët dhe të paktën 40 mijë njerëz janë plagosur. Rreth 1.5 milionë njerëz janë shpërngulur brenda pesë viteve të kaluara.
Dhuna është tani në një nivel më të ulët por gjatë këtij viti janë vrarë rreth 15 njerëz dhe zyrtarët ushtarakë të Ukrainës thonë se separatistët nuk zbatuan armëpushimin ekzistues, prandaj ndodhi e gjithë kjo.
