Nga Boldnews.al
Liridon Pula, drejtori i Kadastrës Durrës, është arrestuar mesditën e sotme në zyrën e tij, pasi gjykata ka caktuar masë sigurimi “arrest me burg”, i dyshuar për abuzime me regjistrimin e pronave.
“Boldnews.al” mësoi në mënyrë ekskluzive se oficerë të Policisë Gjyqësore janë paraqitur në zyrën e Pulës me vendimin e gjykatës në dorë dhe i kanë shtrënguar prangat zyrtarit të lartë në qytetin bregdetar.
Arrestimi është kryer në kuadër të hetimeve që po zhvillohen nga prokurori i Durrësit, Arjan Ndoja.
Në kuadër të këtij hetimi, pak ditë më parë u prangos me urdhër ndalimi të prokurorit Ndoja edhe zv.drejtoresha e Kadastrës Durrës, Lusiena Kola.
Ndaj Kolës, gjykata caktoi më vonë masën e sigurimit “detyrim për paraqitje”.
Në kuadër të të njëjtit hetim, Prokuroria e Durrësit ka shpallur në kërkim edhe ish-drejtorin e ALUIZNI-t në qytetin bregdetar, Flamur Gjuzi.
Këta zyrtarë të lartë, si edhe disa vartëa të tyre, dyshohet se kanë shpërdoruar detyrën nëpërmjet legalizimit dhe regjistrimit të një numri të konsiderueshëm pronash në mënyrë anti-ligjore.
Burime nga grupi hetimor deklaruan për “Boldnews.al” se pjesa më e madhe e pronave të legalizuara e regjistruara në kundërshtim me ligjin, gjenden në zonën bregdetare.
DENONCO