Drejtori i Institutit Shqiptar për Zhvillimin e Zgjedhjeve, Kristaq Kume i ftuar në studion e lajmeve në Ora News ndërsa komentoi draft-raportin e Komisionit të Venecias u shpreh se ky institucion i BE-së po përdoret.
Sipas Kumes interesimi i Venecias për t’i dhënë përgjigje 8 pyetjeve të Kuvendit të Shqipërisë tregojnë mbështetjen e këtij institucioni për shoqërinë shqiptare, por nga ana tjetër pohon se ai nuk ka targetin për të vlerësuar lidhshmërinë e zgjedhjeve.
Kristaq Kume: Ndryshimet zgjedhore nuk janë ndërruar në bazë të analizave, por referuar asaj se çfarë ka në dorë politika. Kodi më i fundit ka bërë që zgjedhësi shqiptar mos të ketë mundësi të përfitojë nga thelbi i asaj se çfarë i ofron vota.
Komisioni i Venencias që ndryshe është komisioni për demokraci është një institucion i BE për të mbështetur vendet, që ato të realizojnë demokracinë. Është një institucion që merret me këshillime dhe opinione dhe nuk ka në target të problematikave mënyrën e zbatimit të ligjit. Kërkesa e bërë së fundmi nga Kuvendi i Shqipërisë nuk është në atë çka ky komision mund dhe duhet ti kërkohet. Por fakti që e ka trajtuar dhe analizuar dhe ka formuluar një draft-opinion është një tregues domethënës për mbështetjen që ka shoqëria shqiptare nga instituciont ndërkombëtare. Këtij ju kërkua të shprehej për atë se cilat ishte mbështetja ligjore kur ai dekretoi datën e zgjedhjeve. Në vlerësimin e tyre Presidenti refruar legjislacionit shqiptar e ka kapërcyer gjënë.
Dua të ndalem në 2 momente.
1-E para ka të bëjë me argumentimin e presidentit se e mori vendimin për informacionin që kishte se çfarë mund të ndodhte.
2-E dyta nuk e justifikon, por e vlerëson se e ka kapërcyer presidenti të drejtën që i njeh kushtetuta. Kjo sepse nuk ndodheshim në gjendje të jashtezakonshme. Se e ke informacionin, por nuk ndodhesh përballë gjendjes së jashtëzakonshme.
Ky moment në asnjë rast nuk duhet të përdoret si argument për atë që edhe Komisioni i Venecias shprehet për qendrueshmërinë e procesit. Është tjetër institucuion i BE që ka për detyrë të vlerësojë që procesi zgjedhor është bërë në bazë të parimeve apo jo. Komisioni i Venecias po përdoret. Punët janë të ndara.
Duhet të ndajmë edhe shkeljen nga kapërcimi i kompetencave. Shkelje duhet të ekzistojë diçka dhe ta shkelësh. Nëse nuk ka një gjë të tillë, ti e kapërcen. Komisioni i Venecias në këtë raport i ka kushtuar vëmendje dhe pasojave që mund të sillte kjo sjellje dhe efektet e saja nuk mund të klasifikohen në një veprim që të justifikojë shkarkimin e Presidentit nga detyra.
/Ora News.tv/
