Rudina Hajdari, deputete e “opozitës së re”, duke folur në seancën plenare, tha se ndryshimi i sistemit nuk është një kauz vetëm e opozitës, por edhe e qytetarëve që duan një Parlament që t’i përfaqësojë ato.
“Do të zhbëjmë marrëveshjen e 2008, do e fundosim këtë marrëveshje, që ka futur vendin në kriza të njëpasnjëshme.
Ne do të luftojmë deri në fund që të fitojmë kauzën e ndryshimit të sistemit.
Kjo marrëveshje favorizon dy apo tre individë, por nuk përfaqëson qytetarët”, tha Hajdari. Sipas saj, ndryshimi i sistemit do të ndajë të inkriminuarit nga politika.
“Presim një marrëveshje të madhe lidhur me këtë kauz”, tha Hajdari.
Në vijim ajo i drejtoi një apel deputeteve dhe ministreve gra që të ngrenë zërin për dhunën, keqtrajtimet dhe keqpërdorimin e grave shqiptare.
“Jemi një shoqëri maskiliste ende, ndaj duhet që gratë deputete dhe ministre të ngrenë zërin për problemet që ato kanë”, tha Hajdari.
