Presidenca njofton se brenda kësaj jave do të bëhet publike raporti i kreut të shtetit, Ilir Meta raportin e tij për draftin e opinionit të Komisionit të Venecias.
Njoftimi i dhënë nga Presidenca është bërë public edhe përmes një statusi në Facebook, nga zëdhënësi për shtyp, Tedi Blushi.
Statusi
“Brenda javës institucioni i Presidentit të Republikës do të bëjë publik për opinionin vendas dhe ndërkombëtar Raportin e tij për Draftin e Opinionit të Komisionit të Venecias, gjithmonë në vazhdim të transparencës dhe rëndësisë së çështjes në fjalë, që meriton vetëm shterim kushtetues, ligjor, profesional dhe faktik, larg çdo ndikimi politik dhe të dyshimtë.
ZERO SHKELJE TË KUSHTETUTËS!
MBROJTJE E SHKËLQYER E KUSHTETUTËS!
MBROJTJE E SHKËLQYER E KONVENTËS EUROPIANE TË TË DREJTAVE TË NJERIUT!
MBROJTJE E SHKËLQYER E VENDIMIT TË GJYKATËS SË STRASBURGUT PËR TË DREJTËN E ZGJEDHJES!
MBROJTJE E SHKËLQYER E DETYRIMEVE LIGJORE QË KA SHQIPËRIA NGA MARRËVESHJA E STABILIZIM ASOCIMIT ME BASHKIMIN EUROPIAN!”, shkruan tedi Blushi, zëdhënësi i presidentit. Në raportin e publikuar në media, Venecia thekson se Meta i ka tejkaluar kompetencat e tij kushtetuese duke zhdekretuar 30 qershorin, por nuk shkarkohet.
