Drejtuesi i krahut të djathtë në Austri, Sebastian Kurz, duket se do të kthehet në pushtet si kancelar pas zgjedhjeve që mbahen sot, vetëm katër muaj pas rrëzimit të qeverisë së tij.
Forma përfundimtare e qeverisë së udhëhequr nga Z. Kurz është akoma e pasigurtë, megjithatë, ka një numër opsionesh të ndryshme të koalicionit të ardhshëm.
Sondazhet tregojnë që 33-vjeçari, i cili u zgjodh për herë të parë si kancelar në 2017 pas forcimit të retorikës dhe politikave ndaj migrantëve, mund të bëjë një marrëveshje me Partinë e ekstremit të djathtë të Lirisë së Austrisë (FPO) përsëri për t’u rikthyer në pushtet – ose potencialisht formati i një “koalicioni të madh” me social demokratët e qendrës së majtë.
Vendi aktualisht po qeveriset nga një qeveri e përkohshme jo-partizane e teknokratëve, e cila u instalua pasi z. Kurz humbi besimin e parlamentit të vendit.
Sondazhet e fundit tregojnë se OVP e Kurzit do të marrë rreth 34 përqind të votave, e ndjekur nga demokratët e qendrës së majtë (SPO) me 22 përqind të mbështetjes.
Një marrëveshje me socialdemokratët shihet në Austri si më pak e mundshme, sepse udhëheqësi konservator ka bërë shumë lojëra për t’i dhënë fund traditës së “koalicioneve madhështore” që kanë qeverisur Austrinë në të kaluarën dhe nxitur mbështetjen për FPO.
