Gjithçka në jetë ndodh për një arsye, kjo është një shprehje që e dëgjojmë shpesh. Herë si ngushëllim e herë si motivim.
E vërteta është se pavarësisht se sa ne përpiqemi të kontrollojmë çdo aspekt të jetës sonë, ka gjëra që thjesht nuk janë në dorën tonë. Jeta nuk shkon gjithmonë sipas planit. Por e rëndësishme është që këto mesazhe të jetës t’i kthejmë në mësim.
Të mendosh se gjithçka në jetë ndodh për një arsye, e bën jetën më të lehtë. Ju lehtëson dhimbjen. Mund të jetë e vështirë të besosh se ka një arsye pse na ndodh të humbim një njeri të dashur. Por, të besosh në këtë filozofi mund të lehtësojë dhimbjen dhe shërimi të jetë më i lehtë.
Të besosh në këtë filozofi, na ndihmon të vendosim se cilat janë prioritetet e jetës sonë dhe të fokusohemi te to. Përshembull nëse dikush të braktis, atëherë ai kurrë nuk të ka dashur, ndaj më mirë që është larguar nga jeta juaj. Prioritet pas kësaj, duhet të kenë njerëzit e tjerë që ju qëndrojnë afër.
Megjithëse ndonjëherë nuk duam ta mendojmë se cila është arsyeja e një ngjarje të trishtë që ndodh në jetën tonë, vjen një moment kur e kuptojmë se ekziston një qëllim hyjnor dhe ka një arsye pas çdo gjëje që na vjen në jetë.