Tashmë është bërë zakon që kryeministri Edi Rama të mos sulmojë më me gojën e tij presidentin e Republikës Ilir Metën, por këtë detyrë të rëndësishme ua ka përcjellë Taulant Ballës dhe Elisa Spiropalit.
Pas Raportit të Venecias, i cili fliste qartë dhe shkruhej e ‘bardha mbi të zezë’, se kreu i shtetit ka tejkaluar kompetencat e tij me shtyrjen e datës së zgjedhjeve, por kjo nuk është shkelje e rëndë Kushtetuese dhe ai nuk mund të shkarkohet, ka ardhur reagimi i menjëhershëm i Ballës dhe Spiropalit.
Me anë të një reagimi në rrjete sociale, kreu i grupit parlamentar Rilindas Taulant Balla shkruan se Meta e ka shkelur Kushtetutën dhe tani është radha e procesit ligjor që vendos për fatin e tij.
Ja postimi i Ballës:
Qe e shkele e shkele Ilir, po sa e shkele do ta vendose procesi ligjor, nderkohe qe te sugjeroj te lexosh me vemendje kete pjesen qe mua me pelqeu me shume:
“Bojkoti elektoral i subjekteve politike, edhe nese ata perfaqesojne nje pjese te madhe te votuesve nuk mund te ndaloje zhvillimin e zgjedhjeve te rregullta. Perndryshe, keto parti do te fitonin te drejten te pengonin cdo proces zgjedhor ne te ardhmen”
E ka thene Edi Rama pa u lodhur kur i thoshin si mund te behen zgjedhjet pa ato parti dhe sot e ka shkruar Komisioni i Venecias, e zeza mbi te bardhe.
Ndërkohë në të njëjtën linjë ka qenë dhe Spiropali, por kjo e fundit kërkon që Meta mos shkarkohet, por të japë dorëheqjen.
Ja postimi i Elisës:
A do ta mbajë Ilir Meta fjalën që i dha çimit.net kur u betua se “po tha Venecia e shkele, do iki vetë dhe s’merrem me e lehtë apo e rëndë shkelja”? S’besoj e mban, po që e shkeli e shkeli dhe 30 qershori u pagëzua edhe me ujin e bekuar të Venecias😁#KrenarepërPS
