Ambasadori gjerman në Tiranë, Peter Zingraf foli për mediat pas miratimit në parlamentin gjerman të rezolutës për hapjen e negociatave të Shqipërisë me BE-në, me kushte.
Në një deklaratë për Klan Plus, ai ka thëne se “drita jeshile për Shqipërinë varet tashmë nga shtetet e tjera anëtare të BE, ne kemi vendosur një po me kushte, ndërkohe që presim tashmë se çfarë do të vendosin shtetet e tjera. Çdo propozim që sjellin individualisht shtete, duhet të përkthehen në gjuhën përfundimtare me vendimin e këshillit. Ju them për Berlini ku kemi shumicë deputetesh për një po në parim, por me disa kushte”.
I pyetur nëse Gjermania ka bërë përpjekje për të ulur palët në tryezë për një zgjidhje kompromisi për krizën, ai ka deklaruar: “Gjetja e një kompromisi është për institucionet shqiptare nuk është detyra jonë. Kam parë se hapi i parë u realizua dje për tu ulur së bashku pozitë – opozitë. Vlerësoj faktin se edhe opozita jashtë parlamentit dërgoi për herë të parë përfaqësuesit e saj në tryezën e reformës zgjedhore. Mendoj se institucionet dhe partitë politike shqiptare do ta gjejnë një zgjidhje”, deklaroi ai.
Nëse do të ndikojë zgjatja e krizës në vend për një përgjigje lidhur me negociatat, ai ka thënë se “nuk mund të spekuloj”.
