Dikur merrte çmimin si “Njeriut më të fuqishëm të Britanisë së Madhe”. Bëhet fjalë për bodybuilderin Xhim Marku, i cili sot mori dënimin tre vite burg për kontrabandimin e 17 shqiptarëve në Britani me një katamaran.
44 vjeçari fitoi konkursin në 2008, por katër vjet më pas u burgos për 9 muaj pasi u gjet fajtor për një marrëveshje trafiku kanabisi prej 65 mijë paundësh.
Britaniku me origjinë shqiptare pranoi fajin për të pasur gjykim të shkurtuar për trafikun e 17 shqiptarëve që u gjetën në katamaranin Fortunella në Maj 2016. Edhe timonieri Australian i karamaranit Stephen Jackson pranoi se kishte të bënte me trafikun. Ndërkaq vëllai i Xhimit, Jetmir Marku 36 vjec së bashku me Aleks Sefollin qartazi ishin përfshirë në trafik sipas hetimeve dhe gjyqit të zhvilluar.
Sefolli, që ka edhe një kompani ndërtimi në Northampton, u dënua se kishte punësuar dy emigrant ilegalë si punëtorë në shtator 2017.
Gjyqtari Jonathan Ferris e burgosi Jimmy Markun me 2 vjet e 11 muaj. Të 17 shqiptarët ishin meshkuj. Njëri ishte i njohur si gangster me dënime të mëparshme në Britani dhe ishte deportuar njëherë nga vendi. Gjyqtari zbuloi dhe e tha në sallë se Sefolli ndihmonte për punësimin e emigrantëve në kompaninë e tij.
