Mbrëmja e djeshme në spektaklin Soiree në Top Channel kanë qenë të ftuar aktori i humorit Gazment Paja dhe gazetarja Ilva Tare. Kjo e fundit e nuk la pa e thumbuar Gazin përfshirjen e tij në politikë, gjë që u përjetua me siklet nga ai, i cili vazhdoi të këmbëngulte se ka një keqkuptim dhe ai nuk është përfshirë në partitë politike.
Biseda e plotë:
Ilva Tare: “Urime për të gjitha. Kurajo për hyrjen në politikë. Ti qofsh.”
Gaz Paja: “Eee…nuk është kështu. Politika meqenëse e përmende, nuk i kam hyrë politikes. Më vjen keq që edhe ti qenke duke gjykuar, keqkuptuar”.
Ilva Tare: “Si e ke lëkurën të trashë apo të hollë, se duhet ta përballosh mirë?”
Gaz Paja: “Më duket se e kam të hollë dhe ndaj edhe s’kam hyrë në politikë”.
Ilva tare: “Ke vazhdu në politikën lokale, vendore, kështu fillon”.
Gaz Paja: “Nuk mund të quhet politikë, nuk kam unë ambicie të tilla”.
Më pas Jonida Shehu i bëri pyetjen e drejtpërdrejtë, se nëse do t’i ofrohej posti i deputetit a do ta pranonte, por Gaz Paja shprehej i qartë, se nuk ishte në synimet e tij.
