Ish-diplomati, Agim Nesho, dhe deputeti i PS Alket Hyseni janë përplasur në emisionin gjatë një debate televiziv mbrëmjen e sotme në lidhje me vendimin e Bundestagut gjerman për të hapur negociatat mes vendit tonë dhe Bashkimit Europian.
Gjatë debatit në “Arena” në oranews, Nesho është shprehur se vendimi I Bundestagut është si profesori që I jep një shans studentit për të mos e ngelur në klasë dhe që duhet të japi provimin pas dy vitesh.
Ndërkohë që ish-diplomati nuk ka dhënë një përgjigje nëse kjo është ose jo një përgjigje positive e Gjermanisë, ka ndërhyrë deputeti socialist, Alket Hyseni gjë e cila ka ndezur edhe debatin.
Pjesë nga debate:
Hila: Ambasador, Gjermania na hap rrugën për integrim apo jo?
Nesho: Që ta kuptojnë…
Hyseni: Po apo jo ambasador?
Nesho: Është si një student që ka ngelur në klasë, dhe unë nuk po të përjashtoj nga shkolla se ke shumë mungesa. Po të lë edhe dy vjet të tjera që të vish ta japësh atë provimin.
Hila: Nëse bien e dhe të tjerët dakord, kjo vota gjermane na pengon apo jo?
Nesho: Këtë nuk e dimë, sepse Gjermania është fuqi e madhe, mund të jetë Franca. Nuk e dimë vendimin e Francës, as Holandës.
Hyseni: Sa gjëra nuk dini ju të opozitës, dhe sa do të dali ndryshe nga ç’prisni. Opozita jo ju. Edhe për Gjermaninë ishte pritshmëria ndryshe. Ambasador, morëm po apo jo nga Bundestagu? Lërë analizën.
Nesho: Çfarë po-je, ne morëm 10! Hapën edhe shampanjën, që dolëm.
Hyseni: Vjet nuk e morëm “Po-në” sivjet po.
Nesho: Kundërshton kryeministri
Hyseni: Jo nuk e morëm vjet, sivjet po.
Nesho: Po ju e mohuat edhe atë.
Hyseni: Keni kurajon profesionale të thonë, morëm apo jo “po-në” nga Gjermania.
Nesho: Ju e hapët shampanjën.
Hyseni: Po, po
Nesho: Jo, jo. Kjo është ….
Hyseni: Po, apo jo?
Nesho: Kjo nuk ka shumë rëndësi. Është fatkeqësi për Shqipërinë. Morëm një “Po” të grisur. Ke dalë me brekët e grisura dhe të arnuara që dukeshe tej për tej se çfarë je. Kështu kemi qenë, por jo kaq keq. Unë mendoj se kjo është një “Po” për çështjet që gjykon Gjermania, nga ana gjeopolitike.
