Aurela Gaçe dhe partneri i saj Skerdi janë një nga çiftet më të përfolura në fushën e showbizit shqiptar, pasi pavarësisht diferencës në moshë, duket se ia dalin mjaft mirë mbanë.
E ftuar në emisionin “Rudina”, Aurela tregoi edhe për takimet e para me Skerdin.
“Hera e parë kur jemi ulur në tavolinë, isha duke bërë këngën “Ca$h”, dhe po i tregoja Skerdit që jam duke folur për ato vajza që e duan atë djalin me numër me 20, duan makinë etj… Dhe ai, shumë serioz, më thotë: “Po përse po e bën këtë këngë, cili është qëllimi?” Aty thashë se ky do jetë një nga ata që jep lekë, prandaj i dogji…” – tha duke qeshur Aurela.
Më tej këngëtarja rrëfeu se nga kjo bisedë nisi interesimi i tij për Aurelën dhe që kësaj të fundit i ka pëlqyer kjo gjë.
Nëna e dy vajzave shpjegoi më pas se sa me fat është që e ka njohur Skerdin dhe që faledneron Zotin shumë herë që ia ka sjellë pranë.
“Falënderoj Zotin që e kam. Faleminderit Zotit që e solli në jetën time. Përveç se më ka bërë një njeri edhe më të lumtur, më ka bërë të them që dua të jetoj me ty. Nuk më duket sikur jam i njëjti person, sepse nuk e besoja se mund të jetoja për muaj të tërë me të njëjtin njeri.
Tani, sikur ma solli Zoti në dorë, sepse është ai që bën çdo gjë, është ai që mundohet që unë të dal shumë mirë edhe nga ana mendore… Unë tani nuk mendoj për asgjë veç skenës,”- përfundon Aurela Gaçe.
