Ish-kryeministri Sali Berisha ka komentuar ftesën e kryeministrit Edi Rama për opozitën lidhur me reformën zgjedhore, si dhe atë të ambasadorit të OSBE-së në Tiranë, Bernd Borchard.
Për ftesën e Ramës përmes një statusi në Facebook, në një intervistë në Syri.net, Berisha tha: ”Një lloj kurthi i vogël bizantin, kurth që bëri ditën që ambasadori i OSBE ftoi opozitën. Ftesë mbi ftesë ishte një thelë mbi bisht dhe kaq mund ta vlerësoj. Ftoj Borchard iu përgjigj opozita. C ‘nevojë kishe ti atë ditë…”
Ndërsa për ambasadorin Borchard, tha se kreu një akt të paprecedentë me ftesën ndaj opozitën për pjesëmarrje në tryezën për reformën zgjedhore. Ambasadori, u shpreh ish-kryeministri, tregoi se ka sentimente të forta ndaj socialistëve.
A ka opozita besim ndaj Borchard?
Berisha: Sa të jetë aty se cekojmë ambasadorin. Ai ka qenë ambasador i Gjermanisë në një periudhë që unë kam qenë kryeministër dhe asokohe një seri projektesh gjermane janë vënë në jete. Te hysh në bindjet e tij të majtë apo të qendrës së djathte ai e bën vetë, theu çdo kod që në ftesën e tij vuri emra të palëve shqiptare, theu çdo kod po opozita bëri mire qe su dikua nga kjo se kjo paraqiste një akt të paprecedentë në 23 vjet që kam pasur në funksione të ndryshe. S’kam parë kurrë një ftesë që i drejtohet opozitës, firma e Borchardit me firmën e kriminelit elektoral Gjiknurit. Kaq të forta e ka sentimentet për socialistet që arrin të bëjë një gjë të tillë. S’mund të çosh ftesë si palë, je ambasador i organizatës ndërkombëtare, ti fton palët dhe s’bëhesh pale me një palë për të ftuar palën tjetër. Si mbetej gjë tjetër veçse të firmoste ftesën e Ramës.
