Opozita e Bashkuar pas 1 ore takimi në selinë e PD-së vendosi që të përfaqësohet me 3 ekspertë në tryezën e thirrur nga OSBE për reformën zgjedhore.
Kështu në tryezë do të jenë ekspertët e propozuar nga PD, LSI dhe PR, që pritet të paraqesin propozimet e tyre lidhur me reformën në drejtësi.
Nuk dihet nëse edhe mazhoranca do të përfaqësohet me nivel ekspertësh në këtë tryezë.
Ndërkohë që pjesë e saj do të jenë edhe anëtarët e Komisionit ad-hoc për reformën zgjedhore që bashkëkryesohet nga Damian Gjiknuri (PS) dhe Rudina Hajdari, e grupit parlamentar demokrat.
Ndërkohë, mësohet se opozita e bashkuar ka përcaktuar si ekspertë Ivi Kason, që njëherazi është edhe përfaqësues ligjor i PD në KQZ, Muharrem Cakaj nga LSI dhe Arian Madhi nga PR.
