Kryetari i Këshillit të Lartë të Prokurorisë, Gent Ibrahimi ishte sot i pranishëm në një seancë dëgjimore në Komisionin e Pavarur të Koordinimit, strukturë e ngritur pranë Kuvendit të Shqipërisë, për vonesat në ngritjen e SPAK.
Ibrahimi ka thënë se kjo strukturë nuk është ngritur ende për shkak se lista me 15 kandidatë për Strukturën e Posaçme Antikorrupsion, ende nuk ka kaluar procesin e vetingut.
Sipas kreut të KLP-së, kandidatët e propozuar duhet ta kalojnë vetingun me vendim të formës së prerë.
“KLP ka miratuar listën prej 15 kandidatë për anëtar të SPAK. Ende sot nuk ka SPAK sepse ende nuk ka përfunduar procesi i vetingut me vendim të formës së prerë. Na takon ne të themi nëse është e mundur apo jo që SPAK të nisë me 10 anëtar. Në marrjen e këtij vendimi do na duhet të marrim parasysh edhe disa elemente praktike”, ka thënë Ibrahimi.
Ndërkohë që ai është përgjigjur shqetësimin të anëtarët të Komisionit të Pavarur të Koordinimit për mundësinë që verifikimit të kandidatëve, që në këtë strukturë të posaçme të mos kalojnë individë të dënuar.
“Unë kujtoj që çdo prokuror që shkon në SPAK kalon përmes ngritjes në detyre dhe si prokurorë në detyrë ai duhet te kalojë vetingun dhe kështu që unë besoj se këtë e shmangim. Këto verifikime bëhen nga vetingu. Çështja që ju shtroni mund të jetë për te ardhmen, pasi nuk do ta kemi vetingun gjithmonë”, ka thënë Ibrahimi.
Diskutimet në Komisionin e Pavarur të Koordinimit
Gent Ibrahimi: KLP ka miratuar listën prej 15 kandidatë për anëtar të SPAK. Ende sot nuk ka SPAK sepse ende nuk ka përfunduar procesi i vetingut me vendim të formës së prerë. Na takon ne të themi nëse është e mundur apo jo që SPAK të nisë me 10 anëtar. Në marrjen e këtij vendimi do na duhet të marrim parasysh edhe disa elemente praktike.
Saimir Visha: Në lidhje me këta 15 kandidatë a keni verifikuar jetën e këtyre para se te ishin në sistemin e drejtësisë?
Gent Ibrahimi: Jo! Ne bëjmë verifikime vetëm brenda institucioneve shqiptare.
Artan Spahiu: Shqetësimi ynë është që në mos qëllon në të ardhmen një anëtar i SPAK te rezultojë i dënuar.
Gent Ibrahimi: Unë kujtoj që çdo prokuror që shkon në SPAK kalon përmes ngritjes në detyre dhe si prokurorë në detyrë ai duhet te kalojë vetingun dhe kështu që unë besoj se këtë e shmangim. Këto verifikime bëhen nga vetingu. Çështja që ju shtroni mund të jetë për te ardhmen, pasi nuk do ta kemi vetingun gjithmonë. /Panorama/
