Tërmeti ka dëmtuar 500 objekte/ Pas verifikimeve, nis vlerësimi i dëmeve

Tërmeti i së shtunës ka dëmtuar 500 objekte, bëri të ditur ministrja e Infrastrukturës dhe Energjisë, Belinda Balluku.

“Duhet të identifikojmë sigurinë e ndërtesave. Sot kemi kapacitete të mëdha për të nisur punën në terren. Kemi shpërndarë grupe në zonat më të prekura. Edhe kompanitë që nuk u jemi drejtuar na kontaktuan. Sot gjendemi me kapacitete të mëdha për të nisur punën në terren. Para se të vijojmë nga ajo unë do të kërkoj nga inxhinierët. Do të ndalesha për të dhënë disa informacione shumë të rëndësishme për menaxhimin e situatës.

Të gjitha akset janë të aksesueshme, edhe ato të zonave të goditura nga tërmeti. Të gjitha sistemet energjetike, janë të gjithë funksionale. Ujësjellësat janë funksionalë, po ashtu portet dhe aeroportet, kryejnë operimet në normalitet”, tha Balluku.

Ministrja theksoi se akti i verifikimit u jep sigurinë njerëzve për të hyrë në banesa. Në vijim ajo sqaroi se pas verifikimit do të kalohet në aktin e vlerësimit, pasi shteti do marrë përsipër gjithcka.

Ministrja shtoi se janë bërë verifikimet në disa zona në Tiranë, Astir dhe Kombinat nga ku ka rezultuar se nuk kishte dëmtime të konstruksionit.

“Rasti i banesës te Astiri, nuk ishte serioz kishte vetëm ëarje të suvasë. 6 pallate në Kombinat kanë dëmtime të lehta”, tha ajo.

Mësohet se në terren do të jenë 73 inxhinierë.

LEXO EDHE  FOTO-LAJM/ Në rradhë për të ikur, ja çfarë ndodh te Ambasada gjermane

“Instituti i Ndërtimit ka organizuar stafet e veta. Pjesa e banesave të dëmtuara nga tërmeti është e madhe. Testi i tërmetit që ndodhi ishte tepër i madh dhe tregoi se kemi punuar me përgjegjësi të madhe si ndërtues. Do të bëjmë vlerësimin dhe qëndrueshmërinë e objektit pas tërmetit.

Ne do të presim secilin për të dhënë vlerësimin e duhur dhe përvojën me këtë akt ekspertize që do të kryejmë. Shtrirja e tërmetit është goxha e madhe. Është prishur standarti i jetesës por jo qëndrueshmëria e banesave. Do caktojmë njerëz me programe të shpejta dhe të sakta” tha ai.

Ndërkohë që nuk ka kursyer vlerësimet për Kryeministrin Edi Rama, Balluku tha se ai u kthye nga një udhëtim shumë i rëndësishëm pasi u njoftua.

“Edi Rama ka detyrë të përfaqësojnë shtetin në OKB dhe të kryejë takime të tjera të rëndësishme. Ai ka qenë në krye të operacioneve të orëve të para.

Kemi performuar në mënyrën më të mirë dhe sot po marrim masat. Në krye të qeverisë në momentin që Rama ndodhet SHBA, ndodhet zv/ kryeministri, që është atje në terren.

Të gjithë jemi në terren. Sqaroj edhe njëherë të gjithë ata që hedhin atë apo krijojnë konfuzion si ata mbrëmë në kurriz të fëmijëve, grave dhe pleqve”, tha ajo.