Tirana është paralizuar. Trafiku është në kolaps. Kjo për shkak të shiut të rrëmbyeshëm që nisi në orët e mbrëmjes. Ndërkohë vetë kryebashkiaku Erjon Veliaj, i ndodhur në kushtet e pamundësisë për të pasur një qytet në kushte normale edhe në ditët e shiirave të rrëmbyeshëm bënë thirrje për të pasur sa më shumë kujdes.
Në një postim në rrjetin social Facebook, Veliaj i drejtohet qytetarëve për të minimizuar lëvizjet me makina në rrugët e Tiranës, për shkak se era dhe shiu kanë rrëzuar disa pemë. Po kështu pusetat duket se janë jashtë kontrollit.
Punonjësit kanë dalë në rrugë për të bërë të mundur normalizimin e situatës, por gjendja mbetet kritike.
Postimi
KUJDES!🚨
Stuhia e shirat kanë rrëzuar disa pemë 🌳 në akset kryesore të Tiranës ⛈
Minimizoni lëvizjet 🚘 teksa ekipet tona pastrojnë rrugët e heqin pemët e dëmtuara ⛔️
Në rast rreziku/nevoje ☎️ 112 🚒
Me pak kujdes do e kalojmë dhe këtë sfidë, si çdo tjetër këtë javë!
