Gazeta greke “Kathimerini” zbulon disa detaje nga takimi që Kryeministri shqiptar Edi Rama pati me homologun grek Kiriakos Mitsotakis gjatë punimeve të Asamblesë së Përgjithshme të OKB-së në Nju Jork.
Vetë Rama ka dhënë deri tani pak detaje duke e konsideruar takimin si një “prezantim miqësor dhe bashkëbisedim i hapur”, por gazeta greke thotë se në fillim, kryeministri grek e pyeti se cila është situata në Shqipëri pas tërmetit.
“Rama u përgjigj se ishte e vështirë, por fatmirësisht nuk kishte viktima dhe shtoi se ai mund t’i duhet edhe ndihma e Greqisë. Mitsotakis u përgjigj se vendi ynë do të ndihmonte natyrshëm” – shkruan “Kathimerini.
