Kandidati për SPAK në KPA, kërkohet shkarkimi/ Komisioneri Publik: Prokurori Muçi ka probleme me…

Ka nisur seanca në KPA për prokurorin Besnik Muçi, për të cilin Komisioneri Publik kërkon shkarkimin nga detyra me argumentin se nuk justifikon pasurinë.
KPK konfirmoi në detyrë Muçin, por vendimi është ankimuar nga Komisioneri Publik.

Gjatë seancës së sotme në KPA, prokurori i Krimeve të Rënda, si dhe kandidat për SPAK dhe Gjykatën Kushtetuese, Besnik Muçi, ka paraqitur dy kopje biletash avioni dhe një kopje të pranimit në universitet për vajzën e tij.

Komisioneri Publik ka sqaruar se ankimimi erdhi pas analizës dhe provave, pasi subjekti i rivleresimit nuk ka arritur të justifikojë pasurinë, dhe ka kryer deklarim të pamjaftueshëm për burime financiare.

Sipas Komisionerit Publik, subjekti ka detyrimin kushtetues të shpjegojë burimin e pasurisë. Komisioneri tha se subjekti nuk justifikon kursimin e 2 mln lekëve
Po kështu, subjekti i rivlerësimit nuk justifikon ndihmat e të vëllait.

LEXO EDHE  U zhburrërove në sy të gruas/ Ish-deputetja i përvishet Borchardt

Gjithashtu Komisioneri, u shpreh se deklarimet e huasë nuk shoqërohen me dokumentacionin e duhur ligjor.

“Janë paraqitur disa akte dhe është parë se babai i subjektit rivlerësues e ka pasur aftësinë e dhënies së kësaj huaje, por dokumentat nuk plotësojnë kushtet ligjore dhe nuk janë dokumente plotësues.

Ato janë vetëm në cilësinë e vetëdeklaratave. Po kështu ka mungesë të dokumentacionit për të provuar shlyerjen e huasë”, tha Komisioneri Publik.

Komisioneri ka konstatuar se subjekti ka marrë hua gjithashtu nga xhaxhai, motra dhe bashkëshorti i saj. Edhe për këto raste të huamarrjes, Komisioneri ka konstatuar se mungojnë dokumentet justifikues.

Komisioeri Publik u shpreh se subjekti rivlerësues ka blerë një apartament 75 mijë euro që nuk eshte justifikuar, ndërsa pasuritë e bashkëshortes së subjektit nuk janë deklaruar.