Ish-ministri i Brendshëm Saimir Tahiri është burrë mbi burrat. Kështu u shpreh avokati Maksim Haxhia, i cili mbron Tahirin në përballjen me drejtësinë.
Në pritje të vendimit të Gjykatës, Haxhia në një pronocnim për Neës 24, tha se klienti i tij është i pafajshëm, ndërsa paralajmëroi politikanët që të kenë kujdes me akuzat që ngrenë ndaj njëri-tjetrit.
“Kam një mesazh të drejtpërdrejtë për politikanët, që të bëjnë kujdes me akuzat e tyre, sepse çështja ndaj Tahirit, nëse do të dënohet mund të shërbejë si një precedent, që nesër mund të dënohet cilido bazuar në biseda telefonike, pa prova dhe fakte”, tha avokati Haxhia.
Në vijim ai shtoi se një prokuror që e sjell cështjen për gjykim do i qëndrojë asaj deri në fund edhe pse kishte argumentat ligjor, bazuar edhe në vendimin e Catanias, çështja duhej pushuar.
“Në kushtet e këtij procesi, ishte me të vërtetë një proces që krërkonte përqëndrim e investim. Gjej rastin të falënderoj edhe z.Tahiri, që kishte jetën e vet në këtë proces. Ai paraqiti një sërë provash në kundërtshi me prokurorinë para gjykatës. Akuzohet për tre vepra tejmase të rënda.
Gjithë ajo që sollëm në gjykatë, ishte një servirje jo vetëm për opinion, paraqitja në mënyrë pomopoze e dokumenteve që nuk sollën një provë për ta fajësuar. Kusht kryesor për të vërtetuar akuzën është pjesëmarrja aktive e z. Tahirit”, tha Haxhia.
“Është detyrim juridik i akuzës të tregojë që përvec akuzës të provojë, si e kam kryer, me kë kam bashkëpunuar në trafik. Në proces është e provuar që Tahiri si ministër i brendshëm, ka bërë 3 kallëzime e procedime ndaj Habilajve.
Sjell në vëmendje si nisi procesi, tre prokurorë i kërkuan këshillit të mandateve për arrest me burg për Tahirin si pjesëmarrës në trafik të lëndëve narkotike. Të tre këta prokurorë për të hequr cdo aludim që ishin me ngarkesa politike thanë që kemi sjellë këtu e këmi këtë kërkesë vetëm mbi bazën e dokumenteve të Italisë“, tha Haxhia.
